Ադրբեջանի տարածքից հրթիռներ արձակվե՞լ են Իրանի ուղղությամբ. մեկնաբանում է Իրանի դեսպանը

Այդ հարցը Իրանի եւ Ադրբեջանի նախագահների հեռախոսազրույցի ժամանակ արծարծվել է, և հենց այդ հեռախոսազրույցի ժամանակ Ադրբեջանի նախագահը վստահեցրել է, որ իրենք թույլ չեն իրենց տարածքն օգտագործվի իրանի դեմ։ Այս մասին, այսօր՝ հուլիսի 1–ին, լրագրողների հետ զրույցում նշեց Հայաստանում Իրանի դեսպան Մեհդի Սոբհանին՝ անդրադառնալով տեղեկություններին, որ Ադրբեջանի տարածքից են հրթիռները նաև եկել Իրանի տարածք։

«Մեզ տեղեկացրեցին, որ նման բան նրանք թույլ չեն տա։ Իհարկե, մենք թերևս պաշտոնական որևիցե ինֆորմացիա չունենք, որ նման բան տեղի ունեցած լինի։ Ուստի միայն մամուլի ենթադրությունների վրա, չենք կարող պաշտոնական դիրքորոշում հայտնել։ Իրանի դիրքորոշումը երեկ Իրանի ԱԳՆ խոսնակը հայտնել է։ Մեր դիրքորոշումը այն է, ինչ երեկ հնչել է ԱԳՆ խոսնակի կողմից»,–ասաց նա։

Ինչ վերաբերում է նրան, որ ադրբեջանական կողմը շատ կոշտ էր արձագանքել իր նախօրեին արած հայտարարությանը, դրանք անվանելով աբսուրդ, դեսպանն ասաց. «Մեր ԱԳՆ խոսնակը երեկ արձագանքել է, անհիմն պատմական պնդումներ են, որը կարող է լարվածության առիթ դառնալ ինչպես նաև այլ երկրների տարածքային ամբողջականությունը հարցականի տակ դնել, դրանք ճիշտ բան չեն։ Ինքնակոչ այդ պնդումներով հնարավոր չէ աշխարհագրական իրողությունները փոխել։ Իմ կարծիքը այն է, ինչ ասել եմ»։