Տեխասում ուժեղ ջրհեղեղի հետևանքով 13 մարդ է զոհվել, 20 երեխա անհետ կորել է

 ԱՄՆ Տեխաս նահանգի կենտրոնական մասում խոշոր ջրհեղեղներ են տեղի ունեցել, հաղորդում է CNN-ը։

Նշվում է, որ «Միստիկ» մասնավոր քրիստոնեական ճամբարը գտնվում է ջրհեղեղի գոտում։ Նրա տարածքում տեղի ունեցած տարերքների հետևանքով՝ 23 աղջիկ անհետ կորել է։ Գետը, որի մոտ գտնվում է ճամբարը, 90 րոպեում բարձրացել է ավելի քան 20 ոտնաչափով։ Այժմ առնվազն 14 ուղղաթիռ, 12 անօդաչու թռչող սարք և տարբեր ստորաբաժանումներից ավելի քան 500 մարդ փորձում են փրկել ճամբարի մոտակայքում գտնվող ծառերից մեծահասակներին և երեխաներին։

Ուժեղ ջրհեղեղները հանգեցրել են առնվազն 13 մարդու մահվան։ Զոհերի թիվը կարող է աճել, քանի որ ուրբաթ երեկոյան տուժած տարածաշրջանում սպասվում են նոր անձրևներ։

«Հանթում գտնվող Գվադալուպե գետը շարունակում է կտրուկ բարձրանալ և հասել է իր երկրորդ ամենաբարձր մակարդակին, որը բարձր է 1987 թվականի ջրհեղեղի մակարդակից», - հայտնել է ԱՄՆ Ազգային օդերևութաբանական ծառայությունը։