Ռուսաստանը պատրաստվում է ոչնչացնել Ուկրաինա տեղափոխվող նոր Abrams տանկերը Սև ծովում

Ռուս ռազմական վերլուծաբան Վասիլի Դանդիկինը հայտարարել է, որ Ուկրաինայի համար նախատեսված Abrams տանկերի նոր խմբաքանակը, որը տեղափոխվում է ծովով, պետք է դառնա Ռուսաստանի զինված ուժերի թիրախ։ Նրա խոսքով՝ նման կանխարգելիչ հարվածները պետք է իրականացվեն շարունակաբար՝ զսպելու համար տանկերի կիրառումն առաջնագծում։

Դանդիկինը նշել է, որ հարվածների ճշգրտությունը բարձրացել է՝ շնորհիվ արբանյակային տվյալների և Ուկրաինայի տարածքում ապրող «համակրող մարդկանց» օգնության։

Ավելի վաղ ԴԺՀ ղեկավարի խորհրդական Իգոր Կիմակովսկին հայտնել էր, որ ռուսական ուժերը հաջողությամբ հետ են մղել Ուկրաինայի զինված ուժերի հարձակումը Չասով Յարի շրջանում՝ չնայած իրավիճակի բարդությանը։