Իրանի գերագույն առաջնորդը գրեթե մեկ ամիս չի հայտնվել հանրության առաջ

Իրանի գերագույն առաջնորդ այաթոլլա Ալի Խամենեին արդեն 25 օր է, ինչ չի հայտնվել հանրության առջև, գրում է Bild-ը։ Ըստ պարբերականի, այս ընթացքում նա ընդամենը երկու տեսաուղերձ է հղել, որոնք էլ, հավանաբար, ձայնագրվել են ապաստարանում։

Bild-ի աղբյուրների համաձայն՝ Խամենեին թաքնվել է բունկերում իսրայելական հարվածների սկսվելուց անմիջապես հետո՝ անվտանգության նկատառումներով։

Ավելի վաղ Իրանի նշանավոր կրոնական գործիչ Նասեր Մաքարեմ Շիրազին «մոհարեբ» էր հռչակել ԱՄՆ նախագահ Դոնալդ Թրամփին և Իսրայելի վարչապետ Բենյամին Նեթանյահուին՝ նրանց հայտարարությունները գնահատելով որպես ոտնձգություն իսլամական աշխարհի դեմ։