«Հայաստանում արդարադատության համակարգ գոյություն չունի». Նաիրի Բադալյան
Իրավունք
«Հոկտեմբերի 27-ի» գործով նախկին մեղադրյալ Նաիրի Բադալյանն այսօր վստահեցրեց լրագրողներին, որ պատրաստվում է իր իրավունքների պաշտպանության համար գնալ մինչև վերջ՝ մինչև իր պահանջները բավարարվեն։
«Հայաստանում արդարադատության համակարգ գոյություն չունի։ Մայիսի 24-ին գործս վերաբացվել է, մինչդեռ ես սահմանված կարգով ծանուցագիր չեմ ստացել, դատական նիստերի մասին ևս պատշաճ կերպով չեմ տեղեկացվել։ Գիտեն, որ արտերկրում եմ բնակվում և Հայաստանում գտնվելու խնդիր ունեմ, տեղյակ եմ պահել, որ մեկ ամսից մեկնելու եմ, իսկ դրանից հետո ծանուցագիր եմ ստացել, որ հաջորդ դատական նիստը նշանակված է իմ մեկնումից հետո»,- ասաց բանախոսը՝ հավելելով, որ ամեն ինչ արվում է՝ խոչընդոտելու, որ ինքը դատարանում իր շահերը պաշտպանի։
Բադալյանը հավելեց, որ եթե բոլոր մարդիկ, ում իրավունքները ոտնահարվել են, հետևողականորեն պահանջեն հարգել իրենց և իրենց իրավունքները, ցանկացած կոռումպացված և անարդար համակարգ տեղի կտա։
«Աբսուրդ է, որ բոլորը պատրաստ են պայքարելու Սերժ Սարգսյանի, Ռոբերտ Քոչարյանի, Լևոն Տեր-Պետրոսյանի իրավունքների համար, բայց իրենց իրավունքների համար ոչ ոք պատրաստ չէ պայքարելու»,- ասաց Բադալյանը։
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
