Թուրքիայում առյուծը փախել է վանդակից և հարձակվել տղամարդու վրա. կենդանուն դեռ չեն գտել
Այլ
Թուրքիայի Անթալիա նահանգում առյուծը դուրս է պրծել վանդակից և հարձակվել տեղի բնակչի վրա։ Այս մասին հայտնում են տեղական լրատվամիջոցները։
Միջադեպը տեղի է ունեցել Մանավգաթի շրջանում։ Կիրակի գիշերը Զևս անունով առյուծը փախել է Lion Land կենդանաբանական այգուց։
Գիշատիչը հարձակվել է մի տղամարդու վրա, որն աշխատում էր այգուց մոտ մեկ կիլոմետր հեռավորության վրա։ Նա լուրջ վնասվածքներ է ստացել, հաղորդում է rg.ru-ն։ Տղամարդուն տեղափոխել են հիվանդանոց։
Հաղորդումն ստանալուց հետո ժանդարմերիան և ոստիկանությունը անվտանգության միջոցներ են ձեռնարկել շրջանում և սկսել որոնողական գործողություն։ Նրանք խնդրել են տեղի բնակիչներին չմոտենալ այն տարածքին, որտեղ նկատվել է առյուծը։
Կենդանուն դեռ չեն բռնել։ Նրան փնտրում են անօդաչուների միջոցով։
ՈՒՂԻՂ ԵԹԵՐ
Ամենադիտված 
Թուրքիան արդեն մտավ Մեղրի, մենք այլևս չենք կարող վերահսկողությունը հետ վերցնել. քաղաքագետ (տեսանյութ)
