Իմ աշխատասենյակից 37 հատ աշխատանքային փաստաթուղթ են առգրավել․ Նարեկ Կարապետյան

Իմ աշխատասենյակից 37 հատ աշխատանքային փաստաթուղթ են առգրավել։ Ճիշտն ասած, գործի հետ կապված խորքային տվյալներ չունենք, թե ինչ գործի շրջանակներում է, բայց մենք սպասում ենք, որ վաղ թե ուշ ինչ-որ գործի հետ կապված աշխատանք տանելու են։ Այս մասին լրագրողների հետ զրույցում ասաց  ՀԷՑ Տնօրենների խորհրդի նախագահ Նարեկ Կարապետյանը։

Դիտարկմանը, որ հափշտակությունների, փողերի մասին են խոսում՝  Կարապետյանն արձագանքեց՝ նշելով, որ ինչից ցանկանան՝ կարող են խոսել։
  «Հասկանում ենք, որ ծրագրավորած ինչ-որ պրոցես են ուզում սկսել։ Դեռ չեն կարողանում նորմալ գտնել, բայց ուզում են։  Կուզեի ասել, որ Հայաստանում էլ ոչ ոք չի վախենում ձերբակալումից, կալանավորումից։ Ինչքան ուզում են թող կալանավորեն, ձերբակալեն, Հայաստանում այս պահին ավելի մեծ պատիվ է՝ ճաղերից այն կողմ լինելը ։ Միշտ գալիս են պահեր, որ դու պետք է ցույց տաս քո կամքը, գնաս ոչ թե ալիկքի ուղղությամբ, այլ՝ ալիքին հակառակ, որ գլուխդ բարձր ապրես»,- նշեց Կարապետյանը։