ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի մարզում

ՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով թե՛ միգրացիայի և քաղաքացիության ծառայության, թե՛ հաշվառման-քննական բաժինների ծառայություններ։Այդ մասին հայտնում են ՆԳ նախարարությունից:

ՆԳ նախարարի հրամանի համաձայն՝ հուլիսի 10-ին ծառայություններ կմատուցվեն․

ժամը 10:30-16:30

Գեղարքունիքի մարզի Ճամբարակ համայնք՝ համայնքապետարանի հարևանությամբ,

ժամը 10:30-16:00

Գեղարքունիքի մարզի Վարդենիս համայնք՝ համայնքապետարանի հարևանությամբ։

Շրջիկ սպասարկման շրջանակում քաղաքացիները կարող են փոխանակել անձնագիրը, ստանալ ժամանակավոր պաշտպանության վկայական, տեղեկանքներ, իսկ ԼՂ-ից տեղահանված անձինք ՀՀ քաղաքացիություն ստանալու համար կարող են տեղում դիմումներ ներկայացնել։

Վարորդական իրավունքի ու սեփականության վկայականների, հաշվառման վկայագրի փոխանակման կամ կորստի դեպքում՝ քաղաքացիները մոտենալով շրջիկ գրասենյակ կարող են նորը ստանալ, օգտվել նաև հաշվառման-քննական բաժինների կողմից մատուցվող այլ ծառայություններից։

Հուլիսի 10-ին շրջիկ սպասարկման գրասենյակները կլինեն Կոտայքի մարզի Չարենցավան և Բյուրեղավան համայնքներում հուլիսի 3-ին ընդունված դիմումների շրջանակներում փաստաթղթերը հանձնելու նպատակով։