ՆԱՏՕ-ն շրջանցել է բյուրոկրատիան և փորձարկել է դրոններ՝ ռուսական նավերին հետևելու համար

Ամերիկյան Defense News պարբերականի տեղեկացմամբ՝ ՆԱՏՕ-ն Բալթիկ ծովում փորձարկել է անօդաչու սարքեր՝ շրջանցելով բյուրոկրատական ձգձգումները։ Դրանց նպատակը եղել է ռուսական ռազմական և բեռների նավերի շարժը վերահսկելը։

Հրապարակման համաձայն՝ ԱՄՆ-ում տեղակայված Saildrone ընկերությունն օգտագործել է մի քանի ջրային դրոն՝ ՆԱՏՕ-ի ուժերի օպերատիվ խմբի հնարավորությունները ցուցադրելու զորավարժության շրջանակում։ Դրանց միջոցով հաջողվել է հայտնաբերել և հետևել Ռուսաստանի «ստվերային նավատորմին»՝ Բալթիկ ծովի տարածքում։

Մասնավորապես նշվում են Voyager մոդելի տասնամետրանոց դրոնները, որոնք ունակ են օրական հարյուրավոր նավեր հայտնաբերել և վերլուծել՝ ներառյալ Ռուսաստանից դուրս եկող նավերը։