Ադրբեջանի ԱԳՆ–ն արձագանքել է ՀՀ–ում Իրանի դեսպանի հայտարարությանը

ՀՀ-ում Իրանի դեսպան Մեհդի Սոբհանիի հայտարարությունները Ստեփանակերտում կայացած Տնտեսական համագործակցության կազմակերպության 17-րդ գագաթնաժողովում ընդունված եզրափակիչ փաստաթղթի վերաբերյալ անընդունելի են, հայտարարել է Ադրբեջանի արտաքին գործերի նախարարության մամուլի քարտուղար Այհան Հաջիզադեի մեկնաբանության։

Հաջիզադեն նշել է, որ համատեղ հայտարարությունը նախապես համաձայնեցված է եղել ՏՀԿ անդամ երկրների հետ և կազմվել է նախագահողի ամփոփման ձևաչափով՝ առանց առանձին հաստատման անհրաժեշտության։

«Մեհդի Սոբհանիի հայտարարությունները՝ այս կոմյունիկեի վերաբերյալ Իրանի ենթադրյալ վերապահումների մասին, չեն արտացոլում իրականությունը։ Դիվանագիտական ​​պրակտիկայում վերապահումներ կարող են արվել միայն բանակցությունների արդյունքում կայացված որոշումների վերաբերյալ», - նշել է Հաջիզադեն։

Նա հիշեցրել է, որ Տնտեսական համագործակցության կազմակերպության բոլոր անդամները, այդ թվում՝ Իրանը, նաև Իսլամական համագործակցության կազմակերպության անդամներ են. «Եվ այս բոլոր պետությունները, այդ թվում՝ Իրանը, հունիսի 21-22-ը Ստամբուլում կայացած ԻՀԿ արտաքին գործերի նախարարների խորհրդի 51-րդ նստաշրջանից հետո աջակցել են «Արևմտյան Ադրբեջանի» համայնքի՝ իրենց հայրենի հողեր արժանապատիվ վերադառնալու իրավունքին»։