Գոհ եմ, բայց ոչ լիովին բավարարված. Խաչանովն ամփոփել է «Ուիմբլդոն»-ի արդյունքները

«Մեծ սաղավարտի» տարվա երրորդ մրցաշար «Ուիմբլդոնի» տղամարդկանց մենախաղի քառորդ եզրափակիչում աշխարհի 20-րդ ռակետ, Ռուսաստանը ներկայացնող հայազգի Կարեն Խաչանովը պարտվել է ամերիկացի Թեյլոր Ֆրիցին:

Մեկնաբանելով իր մասնակցությունը «Ուիմբլդոն»-ում՝  Խաչանովն ասել է. «Ուրախ եմ, որ կրկին հասա քառորդ եզրափակիչ։ 2022 և 2023 թվականներին ես կարողացա հասնել Մեծ սաղավարտի մրցաշարերի քառորդ եզրափակիչ և կիսաեզրափակիչ, բայց 2024 թվականին նման արդյունքներ չէի գրանցել։ Կար դժվար մի շրջան, երբ չէի կարողանում լավ արդյունքներ ցույց տալ խոշոր մրցաշարերում, ուստի հիմա այս ելույթը համարում եմ հաջողված։

Հասկանում եմ, որ ավելի առաջ գնալու հնարավորություն ունեի, և ես իսկապես ցանկանում էի դա։ Բայց, ընդհանուր առմամբ, սա դրական արդյունք է։ Եթե ինձ առաջարկեին քառորդ եզրափակիչը մրցաշարի մեկնարկից առաջ, ես կհամաձայնեի։ Ես գոհ եմ, բայց ոչ լիովին բավարարված»։ 

Ուիմբլդոնը կավարտվի հուլիսի 13-ին։ Մրցաշարի ընդհանուր մրցանակային ֆոնդը կազմում է 53.55 միլիոն ֆունտ ստեռլինգ։