Զախարովան մեկնաբանել է Ադրբեջանի կողմից Ուկրաինային զենք մատակարարելու մասին լուրերը

Ուկրաինային զենքի մատակարարման վերաբերյալ ցանկացած տեղեկություն ուշադիր ստուգվում է, հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան շաբաթական ճեպազրույցի ժամանակ՝ մեկնաբանելով Ադրբեջանից մատակարարումների մասին հաղորդագրությունները։

«Ցանկացած այս թեմային առնչվող տեղեկատվություն, այդ թվում նաև հաղորդագրությունները, խիստ ստուգվում են։ Եթե խոսքը վերաբերում է այն երկրներին, որոնցում գործում են թշնամական ռեժիմներ՝ դա մի հարց է, իսկ երբ խոսքը վերաբերում է այն պետություններին, որոնց հետ ունենք վստահելի երկխոսություն և դաշնակցային հարաբերություններ, բնականաբար այդ հարցը բարձրացնում ենք, քննարկում, ներկայացնում նրանց, ստանում բացատրություններ կամ հերքումներ, կամ աշխատում ենք այն ուղղությամբ, որպեսզի նվազեցնենք այդ վնասը։ Իսկ այդ վնասը միայն մեզ չէ հասցվում, այլև միջազգային և տարածաշրջանային խաղաղությանը ու կայունությանը», - ասել է Զախարովան։

 Նրա խոսքով՝ Կիևի ռեժիմին զենք մատակարարելը պարզապես ահաբեկիչներին գդալով կերակրելն է, ոչ միայն նրանց տալ այն զենքը, որը նրանք վերավաճառում են, այդ թվում՝ այն զենքը, որը հետո տարածվում է աշխարհով մեկ՝ անհայտ ուղղությամբ։

«Նույն զենքերով զոհվում են երեխաներ և խաղաղ բնակիչներ՝ միտումնավոր, ոչ թե պատահաբար, միտումնավոր ոչնչացնելով խաղաղ բնակչությանը», - նշել է Զախարովան։