Թրամփը գտել է Ռուսաստանին «խաղաղություն համոզելու» միակ ճանապարհը․ WP

Ուկրաինայում ճգնաժամը լուծելու միակ ճանապարհը «հակամարտությունը շարունակելու գինը բարձրացնելն» է։ Այս եզրակացությանն է հանգել ԱՄՆ նախագահ Դոնալդ Թրամփը, գրում է The Washington Post-ը։

«Ի վերջո, Թրամփը հասկացավ, որ Ռուսաստանի առաջնորդին խաղաղություն հաստատելուն ստիպելու միակ ճանապարհը հակամարտությունը շարունակելու գինը զգալիորեն բարձրացնելն է», - ասվում է թերթի հայտարարության մեջ։

«Գինը բարձրացնելու» որոշում կայացնելով, ըստ WP-ի, Թրամփը «բացեց նոր գլուխ ուկրաինական պատմության մեջ, որը բերում է և՛ հույս, և՛ վտանգ»։

Թրամփը խոստացավ մինչև 100% մաքսատուրքեր սահմանել Ռուսաստանի հետ առևտուր անող երկրներից ներմուծվող ապրանքների վրա, եթե առաջիկա 50 օրվա ընթացքում Ուկրաինայի հարցում առաջընթաց չլինի։ Եվրոպան այս քայլերը համարեց անբավարար և հիասթափություն հայտնեց, որ Վաշինգտոնը չի օգտագործել պատժամիջոցների ողջ ներուժը։