Իսրայելը նոր օդային հարվածներ է հասցրել Սիրիայի Սուվեյդա քաղաքում

Սիրիայի պետական լրատվական գործակալությունը հայտնում է, որ Իսրայելը նոր հարվածներ է հասցրել Սուվեյդա քաղաքում։

Վերջին ամիսներին Իսրայելը բազմիցս իրականացրել է հարձակումներ Սիրիայի տարածքում՝ որպես պատրվակ ներկայացնելով Դրուզ համայնքի պաշտպանությունը։ Նախորդ շաբաթ Իսրայելի բանակը հայտարարել էր, որ հարվածել է Սուվեյդայի ուղղությամբ շարժվող մի քանի սիրիական տանկերի։

Տարածքում արդեն իսկ տեղի են ունեցել բախումներ տեղի զինված խմբավորումների և բեդուին ցեղերի միջև, որի հետևանքով ավելի քան 30 մարդ զոհվել է, 100-ը՝ վիրավորվել, գրում է Al-Jazeera-ն։