Սա պատասխան է նրանց, ում թվում է՝ մեզ հալածելով կարող են ետ պահել մեզ մեր պայքարից․ Սաղաթելյան

Կարևոր և խորհրդանշական է, որ մեր պետության ու ժողովրդի այս ծանր օրերին աշխարհի 17 երկրի շուրջ 400 երիտասարդ իրենց հավաքն են կազմակերպում մայր հայրենիքում։ Այս մասին Երևանում՝ Նեմեսիսի հուշարձանի հարևանությամբ ՀՅԴ երիտասարդական և  ուսանողական 12-րդ Համահայկական բանակումի պաշտոնական բացման արարողությունն ասաց  ՀՅԴ ԳՄ անդամ, «Հայաստան» խմբակցության պատգամավոր Իշխան Սաղաթելյանը։

Նրա խոսքով՝ սրա մեջ կա շատ կարևոր ուղերձ, սա պատասխան է  բոլոր նրանց, ովքեր անցնող տարիների ընթացքում ամեն ինչ արել են Հայաստան-Սփյուռք կապը խաթարելու համար՝ արգելելով նաև մեր սփյուռքահայ երիտասարդների մուտքը Հայաստան։

«Սա պատասխան է  բոլոր նրանց, ում թվում է, որ Դաշնակցական երիտասարդներին ապօրինի կալանավորելով կարող են զերծ պահել հայ ժողովրդի հավաքական իրավունքների համար պայքարելուց։

Սա պատասխան է  նրանց, ում թվում է՝ մեզ հալածելով կարող են ետ պահել մեզ մեր պայքարից՝ չհասկանալով, որ ամեն հարվածից հետո մենք ավելի ենք ուժեղանում, ամրանում, ազգային նպատակներին հասնելու համար ավելի հետևողականորեն ենք պայքարելու»- նշեց նա՝ հավելելով, որ սա պատասխան է բոլոր նրանց, ում թվում է,  թե  հայ երիտասարդը համակերպված է  այս պարտությունների հետ, իսկ հայկական սփյուռքն անտարբեր հայրենիքի նկատմամբ