Ուկրաինան կփորձի Հունգարիան ներքաշել պատերազմի մեջ․ Սիյարտո

Հունգարիան ակնկալում է, որ Ուկրաինան կարող է նոր քաղաքական սադրանքներ ձեռնարկել, ուստի պետք է պատրաստ լինի իրադարձությունների նման ելքին։ Նման նախազգուշացումով հանդես է եկել Հունգարիայի ԱԳՆ ղեկավար Պետեր Սիյարտոն, նրա խոսքերը փոխանցում է Telex-ը։

«Մոտ ժամանակներս սպասվում է, որ ուկրաինացիները կձեռնարկեն ամենակոպիտ և նողկալի սադրանքը՝ Հունգարիային պատերազմի մեջ ներքաշելու համար։ Մենք պետք է պատրաստ լինենք դրան, ինչպես երբեք։ Այն պնդումները՝ ուկրաինացիները կռվում են մեզ համար, սուտ են, քանի որ նրանք կռվում են միայն իրենց համար», - հայտարարել Է դիվանագետը։

Սիյարտոն ընդգծել է՝ ռազմական հակամարտությունը «օրինական բացատրություն չէ», թե ինչու է հունգարացիների էներգամատակարարումը սպառնալիքի տակ: Նախարարը հավելել է՝ եթե ինչ-որ մեկը փորձում է ոտնձգություն կատարել հանրապետության էներգամատակարարման անվտանգության նկատմամբ, ապա նա նաև ոտնձգություն է կատարում երկրի ինքնիշխանության նկատմամբ: Նա սպառնացել է, որ այդ դեպքում հարձակվող կողմին «հետևանքներ» կսպասեն: