Արարատ Միրզոյանը մանրամասներ է հայտնել Պակիստանի ԱԳ նախարարի հետ հեռախոսազրույցից
Քաղաքական
Հայաստանի արտաքին գործերի նախարար Արարատ Միրզոյանը մանրամասներ է հայտնել Պակիստանի արտաքին գործերի նախարար Իշաք Դարի հետ ունեցած հեռախոսազրույցից։
«Այսօր կարևոր հեռախոսազրույց ունեցա Պակիստանի արտաքին գործերի նախարար Իշաք Դարի հետ։ Հաշվի առնելով վերջին զարգացումները և համաձայն երկկողմ և բազմակողմ հարթակներում համագործակցության տեսլականի, քննարկեցինք Հայաստանի և Պակիստանի միջև դիվանագիտական հարաբերությունների հաստատման հարցը»,- X-ի իր միկրոբլոգում գրել է Միրզոյանը։
Ավելի վաղ հեռախոսազրույցի մասին գրառում էր արել նաև Պակիստանի արտաքին գործերի նախարար Իշաք Դարը՝ նշելով, որ պայմանավորվել են դիտարկել Հայաստանի և Պակիստանի միջև դիվանագիտական հարաբերություններ հաստատելու հարցը։
Հիշեցնենք, որ ՀՀ անկախությունից՝ 1991 թ-ի սեպտեմբերի 21-ից ի վեր Պակիստանը չի ճանաչել Հայաստանն իբրև պետություն, Երևանի ու Իսլամաբադի միջև չկային դիվանագիտական հարաբերություններ այն պարզ պատճառով, որ այդ երկիրն Արցախի հարցում ամբողջապես աջակցում էր Ադրբեջանին։
Փաստացի, երբ այլևս Փաշինյանը «փակում է» Արցախի հարցը, Պակիստանի համար պատճառ չի մնում շարունակել այս քաղաքականությունը։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
