Հունգարիան բացահայտեց՝ ինչու է շարունակում գնել ռուսական նավթ

Հունգարիան բաց և ուղիղ կերպով գնում է ռուսական նավթ, մինչ մյուս եվրոպական երկրները դա անում են թաքուն։ Այս մասին հայտարարել է Հունգարիայի ԱԳ նախարար Պետեր Սիյարտոն՝ ընդգծելով, որ Բրյուսելի և Խորվաթիայի որոշումների հետևանքով Բուդապեշտը զրկվել է այլընտրանքային մատակարարման ուղիներից։

Սիյարտոն քննադատել է Հունգարիային մեղադրողներին՝ նրանց անվանելով կեղծավորներ, քանի որ իրենք նույնպես չեն հրաժարվում ռուսական էներգակիրներից։ Նա հիշեցրել է, որ ԵՄ-ն հրաժարվել էր ընդլայնել Հարավարևելյան Եվրոպայի գազատարների թողունակությունը, իսկ Խորվաթիան ոչ միայն չավելացրեց այլընտրանքային նավթատարի հնարավորությունները, այլև հնգապատկեց տարանցման վճարը։

Այս պայմաններում Հունգարիայի կառավարությունը պնդում է, որ այլ ընտրություն չունի և ստիպված է շարունակել ռուսական նավթի ներմուծումը։ Նախօրեին ԱՄՆ նախկին նախագահ Դոնալդ Թրամփը կոչ էր արել Եվրոպային դադարեցնել ռուսական նավթի գնումները և ճնշում գործադրել Չինաստանի վրա՝ Ռուսաստանի աջակցության հարցում։