Պատգամավորը խոստովանել է, որ աշխատել է էսկորտում

Ֆինլանդիայի խորհրդարանի անդամ Աննա Կոնտուլան պատմել է, որ 16 տարեկանից աշխատել է էսկորտում։ Այս մասին հայտնել է «Helsingin Sanomat» թերթը։

Կոնտուլան ասել է, որ այս ընտրության պատճառները եղել են սուր զգացողությունների բացակայությունը և ֆինանսական դժվարությունները։ Իր խոսքով՝ հաճախորդներ է գտել թերթերի հայտարարությունների միջոցով։ Աննան նշել է, որ մոտ երկու տարի ապրել է այդ կյանքով, որից հետո ամուսնացել է։ Սակայն ամուսնալուծությունից հետո վերադարձել է էսկորտում աշխատանքին։

2011 թվականից Կոնտուլան Ֆինլանդիայի խորհրդարանի անդամ է։ Իր խոսքով՝ ներկայիս ժամկետը իր համար վերջինը կլինի։ Քաղաքական գործիչը սոցիալական գիտությունների դոկտորի կոչում ունի, նրա դիսերտացիան նվիրված է Ֆինլանդիայում սեքս ոլորտի աշխատողների խնդիրներին։