Նեպալի նախկին վարչապետի կինը ծայրահեղ ծանր վիճակում է՝ բախումների հետևանքով ստացած այրվածքներից

Նեպալի նախկին վարչապետ Ջալ Նաթ Կհանալի կինը՝ Ռաջյա Լակշմի Չիտրակարը, տեղափոխվել է հիվանդանոց՝ մայրաքաղաք Կատմանդուում տեղի ունեցած բախումների ժամանակ ստացած ծանր այրվածքներով։ Նրա ընտանիքի խոսքերով՝ կնոջ վիճակը մնում է ծայրահեղ ծանր, վնասվածքներ են գրանցվել մարմնի մեծ մասում, ինչպես նաև լուրջ վնաս է հասցվել թոքերին։

Ավելի վաղ Կատմանդուում բողոքի ցույցերը վերածվել էին անկարգությունների․ ցուցարարները հրկիզել էին մի շարք պետական շենքեր, այդ թվում՝ խորհրդարանի շենքը։ Հրշեջների տեղեկացմամբ՝ ամբողջ շենքը պատված էր ծխով։

Բողոքի ալիքը սկսվել է այն բանից հետո, երբ իշխանությունները արգելափակել էին խոշոր ինտերնետային հարթակներ, այդ թվում՝ YouTube-ը, X-ը, LinkedIn-ը, Reddit-ը, WhatsApp-ը, Facebook-ը և Instagram-ը։