Դիետոլոգը բացատրել է՝ ինչու է աշնանը սրվում մշտական հոգնածությունը

Բրիտանացի դիետոլոգ Մեգան Ռոսսին բացատրել է, որ աշնանը շատերի մոտ առաջացող անընդհատ հոգնածության հիմնական պատճառը կարճացող լուսային օրերն են։ Նրա խոսքով՝ բնական լույսի պակասը խախտում է սերոտոնինի և մելատոնինի արտադրությունը, ինչի հետևանքով ուժերն արագ սպառվում են։ Բացի այդ, փոփոխվում է նաև աղիքային միկրոֆլորան, ինչը կարող է վատացնել մարսողությունը և նվազեցնել էներգիայի պաշարները։

Մասնագետը նշել է, որ հոգնածությունը ուժեղանում է նաև կյանքի վատ սովորությունների պատճառով։ Քնի պակասը, նստակյաց ապրելակերպը և ածխաջրերի ավելցուկը արագացնում են ուժերի սպառումը։

Խնդրից խուսափելու համար Ռոսսին խորհուրդ է տվել աշնանը հնարավորինս հաճախ լինել դրսում՝ օրային ժամերին, սննդակարգում ավելացնել վիտամին D և մագնիում պարունակող մթերքներ, ինչպես նաև հետևել որակյալ քնին։