Wizz Air-ը մարտից դադարեցնում է Երևան–Վիեննա չվերթերը

Wizz Air ավիաընկերությունն առաջիկայում կդադարեցնի Երևան–Վիեննա ավիաչվերթերը։

Ընկերության գլխավոր տնօրեն Ռոլանդ Տիշների խոսքով՝ Վիեննայից իրականացվող չվերթերի դադարեցման որոշումը պայմանավորված է Վիեննայի օդանավակայանում հարկերի և ծառայությունների վճարների զգալի աճով, ինչի հետևանքով ընկերությունը փակելու է իր բազան այդ քաղաքում։

«Մարտ ամսից փուլային կարգով կդադարեցվեն Վիեննայից իրականացվող չվերթերը։ Ավելի ուշ կտեղեկացնենք, թե որ ուղղություններով կփոխարինվեն դրանք»,– ասել է Տիշները։