Օրբանը սպառնում է դատական հայցով, եթե ԵՄ-ն զրկի Հունգարիային վետոյի իրավունքից

Հունգարիայի վարչապետ Վիկտոր Օրբանը հայտարարել է, որ Բուդապեշտը պատրաստվում է դիմել դատարան, եթե Եվրոպական միությունը փորձի զրկել երկիրը վետոյի իրավունքից՝ խախտելով ԵՄ հիմնարար օրենքները։ Նրա խոսքերը փոխանցում է Hetek պարբերականը։

«Այն, ինչ հիմա փորձում են անել Բրյուսելում, բացահայտ հակասում է սահմանադրական նորմերին։ Եթե գնան այդ քայլին, մենք կհայցենք դատարան, և նրանք պարտվելու են այնտեղ», – ընդգծել է Օրբանը։

Նրա խոսքով՝ ԵՄ որոշ քաղաքական ուժեր հույս ունեն առաջիկա ապրիլին կայանալիք խորհրդարանական ընտրություններում փոխել Հունգարիայի գործող կառավարությանը և իշխանության բերել Բրյուսելին աջակցող ընդդիմադիրներին։ Ավելի վաղ Օրբանը առաջարկել էր Ռուսաստանին և ԵՄ-ին սկսել բանակցություններ եվրոպական անվտանգության ապագա համակարգի շուրջ՝ ընդգծելով, որ այդ բանակցությունների կենտրոնում չպետք է լինի Ուկրաինան։