«Ժամանակն է վերաիմաստավորել անվտանգության համակարգը և վարել ուղիղ բանակցություններ». Օրբան

Հունգարիայի վարչապետ Վիկտոր Օրբանը առաջարկել է Եվրոպական միությանը և Ռուսաստանին սկսել ուղիղ բանակցություններ՝ ձևավորելու Եվրոպայի նոր անվտանգության ճարտարապետություն։ «Պետք է խոսել ոչ թե միայն Ուկրաինայի շուրջ․ դա կարևոր է, բայց այժմ առաջնահերթ է ապահովել խաղաղ և կանխատեսելի կյանք ամբողջ մայրցամաքում՝ զերծ ահաբեկչությունից և պատերազմներից», – ընդգծել է Օրբանը՝ նշելով, որ Կիևի հարցը պետք է կարգավորվի բացառապես դիվանագիտական ճանապարհով։

Նրա խոսքով՝ եվրոպական երկրների համար անհրաժեշտ է մտածել երկարաժամկետ կայունության և համընդհանուր անվտանգության երաշխիքների մասին՝ վերականգնելով վստահությունը մայրցամաքում և կանխելով նոր հակամարտությունների բռնկումը, հայտնում է Лента.ру-ն։