Բժիշկները զգուշացնում են․ միսը պետք է դառնա միայն հազվադեպ հավելում բուսական սննդակարգում

Lancet բժշկական ամսագիրը հրապարակել է զեկույց, համաձայն որի՝ մարդու սննդակարգի հիմքը պետք է կազմի բուսական սնունդը, իսկ մսի օգտագործումը պետք է սահմանափակվի։ Զեկույցին հղում է անում «Газета.Ru»-ն։

Փորձագետների տվյալներով՝ անհրաժեշտ է նվազագույնի հասցնել շաքարի, աղի և հագեցած ճարպերի քանակը։ Մասնավորապես՝ խորհուրդ է տրվում օրական չօգտագործել ավելի քան 15 գրամ կարմիր միս, փոխարենը ապահովել 200 գրամ բանջարեղեն, 300 գրամ մրգեր, 210 գրամ հացահատիկ, 250 գրամ կաթնամթերք, ինչպես նաև մոտ 30 գրամ ձուկ կամ ծովամթերք։ Թույլատրվում են նաև փոքր քանակությամբ սպիտակ միս։

Ավելի վաղ բժիշկ Օքսանա Դրապկինան նշել էր, որ առողջ ապրելակերպի համար լիովին հրաժարվել մսից պետք չէ, խնդիրն ավելի շատ կապված է դրա մշակման ձևերի հետ։ Դիետոլոգ Նուրիա Դիանովան էլ զգուշացրել էր, որ չափից շատ կարմիր միսը, շաքարով հագեցած և բարձր մշակված մթերքները վնասում են աղիքների առողջությունը և բարձրացնում լուրջ հիվանդությունների զարգացման ռիսկը։