«Այն պետք է մնա բուֆերային գոտի Ռուսաստանի և Հունգարիայի միջև». Օրբանը՝ Ուկրաինայի դերի մասին

Հունգարիայի վարչապետ Վիկտոր Օրբանը հայտարարել է, որ Ուկրաինայի գոյությունը կարևոր է Բուդապեշտի համար՝ որպես բուֆերային գոտի Ռուսաստանի և Հունգարիայի միջև։ Նրա խոսքերը փոխանցում է ՌԻԱ Նովոստին։

Օրբանի խոսքով՝ հենց այս պատճառով է, որ Ուկրաինայի պահպանությունը համապատասխանում է Հունգարիայի ռազմավարական շահերին։ Նա նաև կրկին շեշտել է, որ Բուդապեշտը դեմ է Կիևի անդամակցությանը Եվրամիությանը՝ նշելով, որ չի ցանկանում, որպեսզի երկու երկրները գտնվեն նույն միության կազմում։

Վարչապետը հավելել է, որ հույնգարացիները չեն պատրաստվում վտանգել իրենց կյանքը Ուկրաինայի շահերի համար։ Նրա կարծիքով՝ Ուկրաինայի՝ ԵՄ անդամակցությունը կարող է Հունգարիային ներքաշել Ռուսաստանի հետ պատերազմական հակամարտության մեջ։