Դոդիկը Պուտինին խնդրել է Թրամփի հետ համատեղ մշակել Բալկանների հարցի լուծում

Բոսնիա և Հերցեգովինայի կազմում գտնվող Սերբական Հանրապետության նախագահ Միլորադ Դոդիկը հայտնել է, որ Ռուսաստանի նախագահ Վլադիմիր Պուտինին խնդրել է համատեղ ԱՄՆ նախկին նախագահ Դոնալդ Թրամփի հետ մշակել կայուն լուծումներ Բալկանների համար։ Նրա խոսքերը փոխանցում է ՏԱՍՍ-ը։

«Ես խնդրեցի նախագահին ուշադրություն դարձնել ևս մեկ կարևոր կետի վրա։ Եթե երկու գերտերությունների միջև ձեռք բերվի պայմանավորվածություն, շատ կարևոր է, որ Բալկաններին չանտեսեն», – ասել է Դոդիկը՝ պատմելով «Վալդայ» ակումբի շրջանակում Պուտինի հետ հանդիպման մասին։

Նա նշել է, որ ամենաօպտիմալ տարբերակը կլինի, եթե Ռուսաստանն ու ԱՄՆ-ն համատեղ հանձնաժողով ստեղծեն Բալկանների հարցերով՝ տարածաշրջանում իրավիճակը կայունացնելու համար։ Ավելի վաղ Դոդիկը նաև հորդորել էր Պուտինին՝ չթողնել Հանրապետությունը ԵՄ բյուրոկրատների «խեղդիչ» քաղաքականության տակ՝ մեղադրելով նրանց երկրի բնականոն զարգացմանը խոչընդոտելու մեջ։