ԱՄՆ հատուկ բանագնաց Ուիթկոֆը չի լքի Եգիպտոսը՝ մինչև չապահովի ՀԱՄԱՍ-ի պատանդների ազատ արձակումը

ԱՄՆ նախագահի խաղաղապահ գործողությունների հատուկ դեսպանորդ Սթիվեն Ուիթկոֆը և ԱՄՆ նախագահի փեսան՝ Ջարեդ Քուշները, կմնան Եգիպտոսում մինչև Իսրայելի և պաղեստինյան ՀԱՄԱՍ շարժման միջև բանակցությունների արդյունքում համաձայնության գան պատանդների ազատ արձակման և Գազայի հատվածում ռազմական գործողությունների դադարեցման վերաբերյալ, հաղորդում է Axios-ը։

Իսրայելի և ՀԱՄԱՍ-ի պատվիրակությունների միջև պաշտոնական շփումները սկսվել են Եգիպտոսում՝ հոկտեմբերի 6-ին։ Ուիթկոֆը և Քուշները Եգիպտոս են ժամանել հոկտեմբերի 8-ի առավոտյան։

Ըստ Axios-ի, Սպիտակ տունը զգուշավոր լավատեսություն է հայտնել հոկտեմբերի 12-ի վերջին համաձայնության հասնելու հնարավորությունների վերաբերյալ, սակայն ընդգծել է, որ ԱՄՆ նախագահի ներկայացուցիչները պատրաստ են մնալ Եգիպտոսում այնքան ժամանակ, որքան անհրաժեշտ է։ ԱՄՆ պաշտոնյաների խոսքով՝ բանակցությունները «տեխնիկական» էին՝ նախքան Ուիթկոֆի և Քուշների երկիր ժամանելը։