Ֆրանսիայում հրաժարվել են աջակցել ցանկացած նոր կառավարության

Աջակողմյան «Ազգային միավորում» կուսակցության խորհրդարանական խմբակցությունը Ֆրանսիայի ցանկացած հաջորդ կառավարության անվստահության օգտին կքվեարկի: Այս մասին LCI հեռուստաալիքի եթերում հայտարարել է խմբակցության ղեկավար Մարին Լը Պենը։

«Ես կպաշտպանեմ անվստահության մասին ցանկացած բանաձև։ Բացարձակապես ցանկացած», - ասել է քաղաքական գործիչը։

«Ազգային միավորման» առաջնորդը նաև կոչ է արել Ֆրանսիայի նախագահ Էմանուել Մակրոնին «շատ լուրջ մտածել» խորհրդարանը ցրելու և նույնիսկ հրաժարական տալու մասին, քանի որ երկրում քաղաքական ճգնաժամը ձգձգվել է: