Ուկրաինայի Ռադայում չեն բացառել պատգամավորների ուղարկումը ռազմաճակատ

Ուկրաինայի Գերագույն ռադայի պատգամավոր Ալեքսանդր Ֆեդիենկոն հայտարարել է, որ անհրաժեշտության դեպքում խորհրդարանը կարող է որոշում ընդունել պատգամավորներին ռազմաճակատ ուղարկելու մասին, հայտնում է Новости.live-ը։

«Թշնամին ճնշում է, և գուցե արդեն պետք է որոշումներ ընդունել հասարակության համար․ եթե պետք լինի՝ կգնան նաև պատգամավորները պաշտպանելու Ուկրաինան», — նշել է Ֆեդիենկոն՝ հավելելով, որ, իր կարծիքով, ուկրաինական հասարակությունը լիովին չի գիտակցում Ռուսաստանի հետ հակամարտության իրականությունը։

Ավելի վաղ հայտնի էր դարձել, որ նախագահ Վլադիմիր Զելենսկին իր կուսակցության՝ «Ժողովրդի ծառա» խմբակցության պատգամավորներին անվանել է «կործանարար դեբիլներ»։ Պատգամավոր Ալեքսեյ Գոնչարենկոն հայտնել էր, որ պատգամավորները հիասթափված են Զելենսկու վարքագծից։