85-ամյա բուսակեր ուղևորն խեղդվել է մսային ուտեստից Qatar Airways-ի ինքնաթիռում և մահացել

The Sun-ի հաղորդմամբ՝ 85-ամյա սրտաբան Ասոկա Ջայավիրան 2023-ի հունիսին Qatar Airways-ի Լոս Անջելես–Կոլոմբո չվերթի ժամանակ մահացել է՝ խեղդվելով մսով ուտեստից, որը նրան մատուցվել էր սխալմամբ՝ վեգետարիանական սննդի փոխարեն։

Զբոսաշրջիկը ստիպված էր ուտել տրված ճաշից՝ հեռացնելով մսի կտորները, սակայն սնվելիս խեղդվել և սկսել է շնչահեղձ լինել։ Ինքնաթիռի անձնակազմը փորձել է նրան փրկել, իսկ օդաչուն շտապ փոխել է երթուղին և վայրէջք կատարել Էդինբուրգում, սակայն ճանապարհին ուղևորի արյան մեջ թթվածնի մակարդակը հասել է կրիտիկական 85%-ի։

Ի վերջո, բժիշկները արձանագրել են նրա մահը՝ նշելով ասպիրացիոն թոքաբորբը՝ առաջացած սննդի մասնիկների թոքերում հայտնվելու հետևանքով։ Զոհվածի հարազատները դատական հայց են ներկայացրել ավիաընկերության դեմ՝ մեղադրելով սխալ սննդի մատուցման և ուշացած օգնության համար։