Ողբերգական ավտովթար Արագածոտնի մարզում. բախվել են «Volvo»-ն ու «VAZ 2106»-ը. կա զոհ և տուժածներ

Այսօր՝ հոկտեմբերի 22-ին, խոշոր ու ողբերգական ավտովթար է տեղի ունեցել Արագածոտնի մարզում: Ժամը 17:20-ի սահմաններում Մարգարա-Վանաձոր-Տաշիր Մ3 ավտոճանապարհի 64 կմ հատվածում՝ Քուչակի վարչական տարածքում, բախվել են «Volvo» և «VAZ 2106» մակնիշի ավտոմեքենաները:

Ինչպես հայտնում է shamshyan.com-ը, վթարի հետևանքով 5 հոգի, որոնցից 2-ը անչափահասներ են, մարմնական վնասվածքներով տեղափոխվել է «Ապարան» բժշկական կենտրոն:

Մինչ դեպքի վայրում ծառայություն էին կատարում պարեկները, հիվանդանոցից ահազանգ է ստացվում, որ տուժածներից մեկը մահացել է:

Վթարի փաստով Ապարանի քննչական բաժնում նախաձեռնվել է քրեական վարույթ, որտեղ էլ պարզվում է ավտոմեքենաների սեփականատերերի, վարորդների, մահացածի և տուժածների ինքնությունը: