Մահացել է Կենտրոն վարչական շրջանի ղեկավարի տեղակալ Նիկոլայ Սարիբեկյանը․ հայտնի է մահվան պատճառը

Կյանքից հեռացել է Կենտրոն վարչական շրջանի ղեկավարի տեղակալ Նիկոլայ Սարիբեկյանը։

Լուրեր․com-ի տեղեկություններով Սարիբեկյանը մահացել է նախորդ գիշեր, նրա մոտ արձանագրվել է սրտի կանգ։

Սարիբեկյանը 47 տարեկան էր։ Ամուսնացած էր, ունի մեկ զավակ:

Ոլորտի հնաբնակներից էր, բանիմաց ու լավագույն մասնագետներից մեկը։

Երևանի Կենտրոն վարչական շրջանի ղեկավարի տեղակալի պաշտոնը զբաղեցնում էր 2019թ. դեկտեմբերի 4-ից։

Լուրեր․com-ի ողջ անձնակազմը իր ցավակցությունն է հայտնում Սարիբեկյանի ընտանիքի անդամներին, հարազատներին, գործընկերներին։