Սուրբ Սարգիս եկեղեցում կկատարվի օրհնության կարգ՝ տվյալ շաբաթվա տոնացույցում նշված սրբերի անունները կրող անձանց համար

Արարատյան Հայրապետական թեմից հայտնում են․

Հոկտեմբերի 25-ին՝ շաբաթ օրը, ժամը 10:00-ին, սիրով սպասում ենք Ղուկաս, Ղազար, Մակար, Զենոն, Մարթա, Ռամելա, Եփրեմ, Գրիգոր, Կյուրեղ, Խաչիկ, Խաչատուր անունները կամ ազգանունները կրողներին։

Արարատյան Հայրապետական թեմի առաջնորդանիստ Սուրբ Սարգիս եկեղեցում կկատարվի օրհնության կարգ՝ տվյալ շաբաթվա տոնացույցում նշված սրբերի անունները կրող անձանց համար։

Ամեն շաբաթ օր՝ ժամը 10:00-ին, թեմի առաջնորդական փոխանորդ Գերաշնորհ Տեր Նավասարդ արքեպիսկոպոս Կճոյանի օրհնությամբ առաջնորդանիստ Ս․ Սարգիս եկեղեցում կատարվում է օրհնության կարգը՝ նպատակ ունենալով վերականգնել անվանակոչության տոնը նշելու գեղեցիկ ավանդույթը։

Հոկտեմբերի 20-ից 26-ի տոնացույցը․

Հոկտեմբերի 20-ին ՝ Ղուկիանոս Հարյուրապետի, որ հավատաց Քրիստոսի խաչելությանը և Հովսեփ Աստվածահորը, Հովսեփ Արիմաթացու և Քրիստոսի բարեկամ Ղազարոսի ու նրա երկու քույրերի՝ Մարթայի և Մարիամի հիշատակության օր

Հոկտեմբերի 21-ին՝ Ս. Թեոդիտոն քահանայի, Զենոն, Մակար և Եվդոքսեա զինվորների և Ռամելասի հիշատակության օր

Հոկտեմբերի 23-ին՝  Ս. Խարիթյանների, Արտեմեա, Քրիստափոր սուրբ վկաների և երկու կանանց` Կալինիկեի և Ակյուլինեի հիշատակության օր

Հոկտեմբերի 25-ին՝  Տասներկու սուրբ վարդապետների՝ Ռեթեոսի, Դիոնիսիոսի, Սեղբեստրոսի, Աթանասի, Կյուրեղ Երուսաղեմացու, Եփրեմ Խուրի Ասորու, Բարսեղ Կեսարացու, Գրիգոր Նյուսացու, Գրիգոր Աստվածաբանի, Եպիփան Կիպրացու, Հովհան Ոսկեբերանի և Կյուրեղ Ալեքսանդրացու հիշատակության օր

Հոկտեմբերի 26-ին՝ Տոն Խաչի Գյուտի

Հոկտեմբերի 25-ին՝ շաբաթ օրը՝ ժամը 10։00-ին, սպասում ենք ձեզ»։