Ֆրանսիայի ԶՈւ ԳՇ պետը հայտնել է՝ երբ կարող է պատերազմ սկսվել Ռուսաստանի հետ

Ֆրանսիայի զինված ուժերի գլխավոր շտաբի պետ, գեներալ Ֆաբիեն Մանդոնը հայտարարել է, որ ֆրանսիական բանակը պետք է պատրաստ լինի Ռուսաստանի հետ բախմանը երեք-չորս տարվա ընթացքում, հաղորդում է Le Figaro-ն։

Նա նշել է, որ բախումը կարող է փորձություն լինել ֆրանսիացի զինվորականների համար։ Մանդոնը հավելել է, որ դա կարող է լինել կամ հիբրիդային պատերազմ, «որը մենք արդեն ապրում ենք», կամ գուցե «ավելի ինտենսիվ բախումներ»։

Գեներալը պնդել է, որ «Ռուսաստանը այն երկիրն է, որը կարող է գայթակղվել շարունակել պատերազմը մայրցամաքում»։ «Սա նրա ռազմական պատրաստության ծրագրի հիմնական տարրն է», -հավելել է Մանդոնը։

Նման իրավիճակին պատրաստվելու համար, գեներալի խոսքով, Ֆրանսիայի ռազմական բյուջեն պետք է մեծացվի։