Կարգալույծ հռչակված Տեր Արամը Հովհաննավանքում զույգի է պսակադրում (տեսանյութ, լուսանկարներ)

Euromedia24TV-ի տեղեկություններով՝ այս պահին Հովհաննավանքում պսակադրության ծեսի են պատրաստվում։

Զույգին պսակադրելու է Ստեփան Ասատրյանը՝ վերջերս կարգալույծ արված Տեր Արամը։ Ոստիկաննությունը տեղում խիստ հսկողություն է իրականացնում, որպեսզի չխոչընդոտեն արարողությանը։ Սա թերևս Եկեղեցական կանոնակարգի կոպիտ խախտում է։

Ըստ Հայ Առաքելական Եկեղեցու կանոնների, կարգալույծ քահանայի կողմից կատարված ցանկացած սակրամենտ (պսակ, մկրտություն և այլն) անվավեր է և չի ճանաչվում Եկեղեցու կողմից։Եթե զույգը պսակադրվում է կարգալույծ քահանայի կողմից, Եկեղեցին այդ պսակը չի ընդունում որպես վավեր արարողություն։

Տեր-Արամը (հոգևոր անունը Ստեփան Ասատրյան) Ամենայն Հայոց Կաթողիկոս Գարեգին Երկրորդի Հայրապետական տնօրինությամբ կարգալույծ էր արվել հոկտեմբերի 17-ին։ Մայր Աթոռ Սուրբ Էջմիածնի հաղորդագրության համաձայն՝ նրան կարգալույծ հռչակելու համար հիմք է ծառայել Արագածոտնի թեմի առաջնորդի զեկուցագիրը, ինչպես նաև Պարգևների շնորհման և կարգապահական հարցերի հանձնախմբի եզրակացությունը:

Ըստ հայտարարության՝ Տ. Արամ քահանա Ասատրյանը՝ «Հրապարակային ելույթներով ու հայտարարություններով վարկաբեկել է Հայ Եկեղեցին, Թեմակալ առաջնորդին և ծառայակից եկեղեցականներին: Անտեսելով Թեմակալ Առաջնորդի հորդորներն ու հրահանգները՝ հարատևել է կարգազանց ընթացքի մեջ: Վերջին մեկ ամսվա ընթացքում պատարագներին կամայականորեն զեղչել է Ամենայն Հայոց Կաթողիկոսի և Թեմակալ Առաջնորդի անունների հիշատակության հատվածը՝ այդ քայլով, ըստ էության, իրեն դուրս դնելով Եկեղեցուց: Երիցս համառել է ներկայանալ Հանձնախմբի նիստերին, շրջանցելով վերջինիս հեղինակությունն ու իրավասությունները, ինչպես նաև իր անարգալից վարքագծով դրժել հնազանդության ուխտը»:

Տ. Արամ քահանա Ասատրյանն էլ կարգալույծ հռչակվելուց հետո կոչ է արել կիրակի հավաքվել Հովհաննավանքում՝ պատարագի, որին մասնակցելու են Նիկոլ Փաշինյանը և իշխանության ներկայացուցիչները։