Ռուս մինոմետային ստորաբաժանումը ոչնչացրել է երկու ուկրաինացի գնդացրորդ

Ռուսաստանի պաշտպանության նախարարությունը հրապարակել է պատմություն ՍՎՈ գոտում տեղի ունեցած բախման մասին, որտեղ մինոմետային հաշվարկի հրամանատար Ալեքսանդր Չուպրովը պատմել է, թե ինչպես է իր խումբը ոչնչացրել Ուկրաինայի զինված ուժերի երկու գնդացրորդ, որոնք թույլ չէին տալիս ռուսական հետևակին բարձրանալ դիրքերից, գրում է Lenta.ru-ն։

Չուպրովի խոսքով՝ հակառակորդի երկու խոշոր տրամաչափի գնդացիրներ արգելափակել էին ռուսական հետևակի առաջխաղացումը։ Այդ պահին մինոմետային խումբը բացել է ինտենսիվ կրակ, «ծածկել» հակառակորդին և հնարավորություն տվել հետևակին շարժվել առաջ։ Մյուս ուղղությամբ էլ նրանց հաշվարկը արձակել է մոտ 160 ական՝ խոցելով բաց տեղանքում գտնվող ուկրաինացի զինծառայողներին։

Ալեքսանդր Չուպրովը ստացել է պետական պարգևներ՝ այդ թվում Սուվորովի մեդալ, ՍՎՈ-ի ընթացքում ցուցաբերած խիզախության համար։ Նախօրեին հաղորդվել էր, որ ռուսական ուժերը հաջողությամբ գրավել են Վոսկրենսկի տարածքը՝ մղելով ետ Ուկրաինայի զինուժի ստորաբաժանումներին։