Սարկոզին բանտում ենթարկվել է ծաղրանքների և ճնշումների

Ֆրանսիայի նախկին նախագահ Նիկոլա Սարկոզին իր առաջին գիշերը բանտում անցկացրել է ծանր պայմաններում՝ ենթարկվելով ծաղրանքների և գիշերային ճչոցների։ Այս մասին հայտնում է բրիտանական Daily Mail պարբերականը։

Ըստ հրապարակման՝ Սարկոզին դարձել է բանտարկյալների ծաղրի առարկա՝ հատկապես իր հասակի պատճառով։ Նրան չեն թողնում քնել՝ անընդհատ բղավելով ու պահանջելով, որ «ցուցադրի իր գլուխը»։ Մեկ դեպքի ժամանակ նույնիսկ ստիպված են եղել միջամտել ոստիկանները՝ կանխելու իրավիճակի սրացումը։

Նիկոլա Սարկոզին գտնվում է Փարիզի «Սանտե» բանտում, որտեղ նա պետք է անցկացնի հինգ տարի՝ Լիբիայից ստացած ֆինանսավորման գործով դատավճռի հիման վրա։ Մամուլը նաև գրում է, որ բանտարկությունից առաջ Սարկոզին գաղտնի հանդիպում է ունեցել նախագահ Էմանուել Մակրոնի հետ։