Ռուսաստանի սպորտի նախարարն դիմել է ՄՕԿ-ին՝ Լեհաստանի՝ ռուս լողորդներին չթողնելու որոշման պատճառով

Ռուսաստանի սպորտի նախարար և երկրի Օլիմպիական կոմիտեի նախագահ Միխայիլ Դեգտյարևը դիմել է Միջազգային օլիմպիական կոմիտեի (ՄՕԿ) նախագահ Կիրսթի Կովենտրիին, արձագանքելով Լեհաստանի որոշմանը՝ չթույլատրել ռուս լողորդների մասնակցությունը Եվրոպայի առաջնությանը։

Դեգտյարևը հայտարարել է, որ Լեհաստանի քայլը խախտում է Օլիմպիական խարտիայի հիմնական սկզբունքները, որոնք արգելում են մարզիկների նկատմամբ ցանկացած ձևի ազգային խտրականություն։ Նա հիշեցրել է, որ նման իրավիճակում՝ երբ Ինդոնեզիան չէր թույլատրել իսրայելցի մարզիկների մասնակցությունը, ՄՕԿ-ը արագ արձագանքել էր՝ կիրառելով խիստ պատժամիջոցներ և կասկածի տակ դնելով օլիմպիական խաղերի անցկացման իրավունքը այդ երկրում։

Ավելի վաղ Ռուսաստանի ջրային մարզաձևերի ֆեդերացիայի նախագահ Դմիտրի Մազեպինը հայտնել էր, որ ռուս լողորդները չեն կարողանա մասնակցել Լեհաստանում կայանալիք Եվրոպայի առաջնությանը՝ քաղաքական պատճառներով։ Չնայած միջազգային ֆեդերացիան World Aquatics մեղմել է ռուս մարզիկների մասնակցության չափանիշները, լեհական իշխանությունները մուտքի թույլտվություն չեն տվել ռուս պատվիրակությանը։