Թրամփը սահմանել է ռեկորդ՝ ըստ կառավարության աշխատանքի դադարների տևողության

ԱՄՆ նախագահ Դոնալդ Թրամփը դարձավ այն առաջնորդը, որի օրոք կառավարությունը ամենաերկար ժամանակահատվածով է գործել դադարեցված ռեժիմով (շատդաուն)։ Այս մասին հայտնել է ամերիկյան Axios պարբերականը։

Հրապարակման համաձայն՝ Թրամփի երկու նախագահական ժամկետների ընթացքում կառավարությունը դադարեցրել է աշխատանքը ընդհանուր առմամբ 57 օր, որոնցից 36-ը՝ առաջին ժամկետի ընթացքում։ Այսպիսով, նա գերազանցել է նախկին նախագահ Ջիմմի Քարտերի ռեկորդը՝ 56 օրվա շատդաուններով, իսկ երրորդ տեղում է Բիլ Քլինթոնը, որի օրոք կառավարությունը դադարեցրել էր աշխատանքը 29 օրով։

Ներկայիս շատդաունը սկսվել է հոկտեմբերի 1-ին, երբ Սենատը չհաստատեց բյուջեն՝ դեմոկրատների և հանրապետականների միջև առողջապահական համակարգի ֆինանսավորման հարցում առաջացած տարաձայնությունների պատճառով։ Թրամփը ավելի վաղ հանդես էր եկել Վաշինգտոնի թանգարանների բացման օգտին, որոնք նույնպես փակվել են շատդաունի հետևանքով։