ՊԵԿ–ը զգուշացնում է. հայտնվել են կեղծ հարկային տեսուչներ

ՀՀ պետական եկամուտների կոմիտեն այսօր հայտարարություն է տարածել՝ տեղեկացնելով քաղաքացիներին, որ ինչ–որ անձինք Երևանի տարբեր վարչական շրջաններում ներկայանում են իբրև այդ տարածքներն սպասարկող հարկային նոր տեսուչներ և տնտեսվարողներից փորձում են գումարներ կորզել։

Ինչպես հայտնում է ՊԵԿ–ը, քայլեր են իրականացվում վերոհիշյալ քաղաքացիներին հայտնաբերելու ուղղությամբ, ուստի խնդրվում է բոլոր հարկ վճարողներին նմանատիպ դեպքերում անմիջապես ահազանգել իրենց սպասարկող հարկային տեսչություն,  594 611 հեռախոսահամարով կամ ՊԵԿ հեռախոսազանգերի սպասարկման կենտրոն 060 54 44 44 հեռախոսահամարով։