Cascade People & Business-ի կազմակերպած DispruptHR Yerevan 2022` երրորդ միջոցառումը կայացավ «Գալաքսի» ընկերությունների խմբի աջակցությամբ

Արդեն երրորդ անգամ անցկացվող DispruptHR Yerevan միջոցառման  շրջանակներում հայաստանյան տարատեսակ ընկերությունների 11 խոսնակներ ներկայացրին իրենց յուրօրինակ տեսլականը շուրջ 150 մասնակիցներին։

DispruptHR-ը համաշխարհային ճանաչում ստացած շարժում է, որն ընդգրկում է  35 երկիր և 155-ից ավել քաղաք: Սա լիովին նոր ձևաչափ է, որն ունի ներկա և ապագա առաջնորդներին համախմբելու նպատակ՝ փոխանցելով նրանց ոլորտին առնչվող ամենից արդիական, նորարարական և հետաքրքիր գաղափարները: Եվ իհարկե, DispruptHR-ը ընձեռում է ընկերության և անհատների ձայնը միջազգային բիզնես հանրությանը հասանելի դարձնելու ևս մեկ հնարավորություն:

DispruptHR-ը Հայաստանում ներկայացնում և իրականացնում է Cascade People & Business ընկերությունը:  Այս անգամ DispruptHR Yerevan 2022 միջոցառման գլխավոր գործընկերն է «Գալաքսի» ընկերությունների խումբը:

«Մասնակիցների  կողմից ստացված բազմաթիվ դրական արձագանքները հերթական անգամ փաստում են, որ միջոցառումն իսկապես սիրվել է հայաստանյան բիզնես համայնքի կողմից: Հպարտությամբ կարող եմ ասել, որ սա նախ և առաջ Cascade People & Business  ընկերության հաղթանակն է, քանի որ մեր հիմնական նպատակն է նպաստել մարդկային ռեսուրսների կառավարման ոլորտի զարգացմանը Հայաստանում: Դե իսկ DisruptHR-ը միջազգային համբավ վայելող այն եզակի միջոցառումներից է, որն իր յուրօրինակ ձևաչափով բացահայտում է մարդկային ռեսուրսների կառավարումը լիովին նոր տեսանկյունից», - իր խոսքում նշել է Cascade People & Business ընկերության հիմնադիր, Հայաստանի ՄՌ Ասոցիացիայի նախագահ Արփի Կարապետյանը։

««Գալաքսիում» մենք  կարևորում ենք ինովատիվ հարթակներում փորձի փոխանակումը։ Եվ, լինելով պրոֆեսիոնալներին համախմբող մեծ ընկերություն, մշտապես ձեռքը մարդկային ռեսուրսների կառավարման ոլորտի զարգացման զարկերակի վրա ենք պահում։ Ուստի, մեզ համար կարևոր էր միանալ միջազգային ճանաչում ունեցող DispruptHR հարթակին նորարարական գաղափարների քննարկման ու դրանք հետագայում իրականացնելու նպատակով»,- ասել է  «Գալաքսի» ընկերությունների խմբի համահիմնադիր և գլխավոր տնօրեն Արամ Խաչատրյանը։

DispruptHR Yerevan երրորդ միջոցառմանը «Գալաքսին» հանդես եկավ երեք խոսնակներով։ «Թայմլես» ընկերության (Հայաստան, Վրաստան, Բելառուս) մարդկային ռեսուրսների ղեկավար Լիանա Խաչատրյանն իր ելույթում անդրադարձավ համավարակի հետևանքներին և ներկայացրեց իր տեսակետը՝ արժե՞ արդյոք աշխատել գրասենյակից։ «Գալաքսիի» գլխավոր տնօրենի տեղակալ Էլինա Գաբրիելյանը խոսեց այն մասին, թե ինչպես կարելի է հաղթել ճկունությամբ։ Իսկ «Երևան մոլ»-ի բիզնեսի զարգացման տնօրեն Շուշան Ավագիմյանը կարևորեց առաջնորդությունը` համադրելով կառավարման հետ։

Միջոցառման բոլոր տեսանյութերը տեղադրվելու են distrupthr.co կայքում:

***

Cascade People & Business ընկերությունը մարդկային ռեսուրսների կառավարման խորհրդատվական առաջատար հայաստանյան ընկերություն է, որը  գործում է «Ամեն ինչ ՄՌ ոլորտում և ոչինչ ՄՌ ոլորտից դուրս» սկզբունքով: Իր   գործունեության 13 տարիների ընթացքում, համագործակցելով ավելի քան 500 տեղական ու միջազգային կազմակերպությունների հետ, ընկերությունը փոփոխություն է բերում և ձգտում կատարելության՝ դառնալով նշաձող օրեցօր աճող ու զարգացող ՄՌ համայնքի համար:

«Գալաքսի» ընկերությունների խումբը Հայաստանի խոշոր գործատուներից ու հարկատուներից է։ Գործում է երեք երկրում, գլխամասային գրասենյակը՝ Երևանում։ 22 տարվա գործունեության ընթացքում 30 հոգանոց թիմից այն դարձել է ավելի քան 2000 աշխատակից ունեցող հոլդինգային ընկերություն։ «Գալաքսին» ստեղծել և զարգացրել է 15 բիզնեսներ Հայաստանում, Վրաստանում և Բելառուսում՝ ապահովելով ընկերությունների կառավարումը և ռազմավարական զարգացումը։ Բոլոր ընկերությունների հաջողության գործոնը եղել է ոլորտային նորարությունը, թիմային արդյունավետ ներգրավումը և շարունակական կրթության հիման վրա զարգացված պատասխանատու բիզնես մշակույթը։

DisruptHR-ը համաշխարհային ճանաչում ստացած շարժում է, որը մեծ տարածում է գտել աշխարհում՝ ընդգրկելով շուրջ 35 երկիր և 155-ից ավել քաղաք: Յուրօրինակ ձևաչափով ներկայացվող ելույթները նպատակ ունեն ապագա առաջնորդներին զինել ինֆորմացիայով, ոգեշնչել և մոտիվացնել բոլոր նրանց, ովքեր լի են նոր ու շրջադարձային գաղափարներ իրագործելու պատրաստակամությամբ:

Այս թեմայով Մի հատ Լենայի մարդուն բզեք, ասեք՝ հայ-իրանական բարեկամական խմբի ղեկավար ես, ձեն հանի, ամոթ ա․ Հրանտ Սարաֆյան Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ ՀՀ իշխանությունն ունի քաղաքական կամք Եվրամիության աջակցությամբ շարունակել բարեփոխումների առաջմղումը Գագիկ Ծառուկյանի աջակցությամբ Ծաղկաձորում մեկնարկել է Արցախ-Հայաստան եռօրյա ֆորում (տեսանյութ) Մենք կարող ենք գետի հունը փոխել ի շահ Հայաստանի, եթե բոլոր տարաձայնությունները մի կող դնենք եւ միավորվենք. «Երրորդ ուժ» Ժաննա Անդրեասյանն ու Վասիլիս Մարագոսը քննարկել են ԵՄ աջակցությամբ իրականացվող կրթական բարեփոխումները Միքայել Բադալյանը Ժիրայր Ոսկանյանյանի նկատմամբ բռնություն չի գործադրել. փաստաբանական խումբ «Վերջին դաս» միջոցառումը կազմակերպելիս բացառել դրամահավաքը. ԿԳՄՍ նախարարություն Երրորդ ռեյխի փոխֆյուրեր Հերման Գյորինգի տանը 5 կմախք է հայտնաբերվել (լուսանկարներ) «Յունիսպորտը»՝ ֆուտզալի Հայաստանի առաջին խմբի առաջնության հաղթող (տեսանյութ)