2 երեխա էլ է ունեցել, որոնք խեդվել են ծխից. ինչ են պատմում 2-ամյա երեխային գետը նետած մոր մասին

Երեկ հայտնի դարձավ, որ Ալավերդի քաղաքում 2 տարեկան երեխա է ընկել Դեբեդ գետը: Երեխայի մայրը ոստիկանությանը հայտնել էր, որ հսկողությունից դուրս մնալու պատճառով երեխան Ալավերդի քաղաքի Փիրուզյան թաղամասի երկաթուղային կամրջի հարևանությամբ ձգվող գազատար խողովակի վրա նստած դիրքից ընկել է Դեբեդը:

Որոշ ժամանակ հետո երեխայի մայրը հաղորդում է տվել, որ ապօրինաբար կյանքից զրկելու նպատակով իր մանկահասակ դստերը նշված վայրում 3-4 մետր բարձրությունից գցել է Դեբեդ գետը:

Երեխային գետը նետած կնոջ վերաբերյալ մանրամասներ ճշտելու նպատակով ԼՈՒՐԵՐ.com -ը կապ հաստատեց Ալավերդի քաղաքի Դեբեդ թաղամասի ԲՇՏ բնակշահագործման տեղամասից Մարիետա Մանուկյանի հետ:

Նա ասաց, որ հարևաններին այդ կնոջ վերաբերյալ ինչ-որ պատմություն է հայտնի.

«Հարևանները պատմում են, որ այդ կինը իր նախկին ամուսնու և 2 անչափահաս երեխաների հետ ժամանակին մեկնել էր ՌԴ, որտեղ կրակի ծխից խեղդվել են երեխաներն ու մահացել: Ամուսինները Հայաստան են վերադարձել առանց իրենց երեխաների»,- պատմեց նա:

Վերջինս նշեց, որ 2-ամյա երեխայի մայրը Դեբեդ թաղամասում չի ապրել, այնտեղ հարս է գնացել: Ամուսինն էլ՝ Արթուրը, տևական ժամանակ է, ինչ տեղափոխվել է Երևան, վերջինիս 2 քույրերը հոգեկան խնդիրներ ունեն, մեկը այս պահին գտնվում է հոգեբուժարանում, մյուսը՝ Օձունում:

«Այդ կինը Սարահարթում է ապրել: Որտեղ հարս է եկել, այդ տունը ապրելու ենթակա չէ, պատուհաններ չկան, հարևաններն են հավաքվել պոլիէթիլենային տոպրակներով ծածկել, տունը մարդաբնակ չէ, տեսնեք, երևի կասեք՝ հավաբուն է, դուռ չկա, անգամ, ծածկոց է կախված մեխից»,- ասաց Մանուկյանը:

ԼՈՒՐԵՐ.com -ը զրուցեց նաև Սարահարթ թաղամասի տեխնիկի՝ Գոհար Ուլուխանյանի հետ, նա ասաց.

«Այդ կինը վերջերս է ամուսնացել իրենից լավ երիտասարդ տղայի՝ Աշոտի հետ, որը չի աշխատում: Առիթ եղել է այդ կնոջ հետ մեկ անգամ շփվելու և ադեկվատ մարդու տպավորություն էր թողել ինձ վրա: Երեկ էլ ամուսնու հետ եկել էր Հայ փոստ՝ հավանաբար կոմունալ վճարումներ կատարելու»:

Մեզ հետ զրույցում Ալավերդու համայնքի ղեկավարը՝ Սասուն Խարումյանն էլ ասաց, որ չի հավատում՝ որևէ կին կարող է իր երեխային սպանել:

Զվարթ Պետրոսյան

Այս թեմայով Ճանապարհը զիջելու հարցի շուրջ առաջացած վեճի հետևանքով 19-ամյա երիտասարդ է դանակահարվել Մայր Աթոռում կատարվեց սարկավագների ընծայման կարգը Դժբախտ պատահար. 77-ամյա տղամարդը ծիրան հավաքելիս ծառից վայր է ընկել և տեղում մաhացել «Մայր Հայաստանի» կոչը տեղական և միջազգային իրավապաշտպան կառույցներին 29-ամյա լրագրողի և իր 11 ամսական երեխայի 6-րդ հարկից ցած նետվելու գործը մնում է առկախված (տեսանյութ) Մերգելյան պուրակում հանդիպումը վերածվել է վիճաբանության, ավարտվել սպանությամբ․ 25-ամյա երիտասարդ է կալանավորվել Երևանում 51-ամյա տղամարդը գողության նպատակով տանիքից պարանով իջնելիս ընկել է պատշգամբ Ազատի ջրամբարում 22-ամյա քաղաքացի է ջրահեղձ եղել Գրեթե 400 միլիոն մանկահասակ երեխա ամբողջ աշխարհում տանը պարբերաբար ենթարկվում է դաստիարակության բռնի մեթոդների Ճանապարհ փակելու համար տնային կալանքի տակ գտնվող 19-ամյա Սերգեյ Առաքելյանն ազատ արձակվեց