ԵՄ երկրների ղեկավարները համաձայնել են դադարեցնել Վրաստանի անդամակցության գործընթացը. Եվրամիության դեսպան
Վրաստան![ԵՄ երկրների ղեկավարները համաձայնել են դադարեցնել Վրաստանի անդամակցության գործընթացը. Եվրամիության դեսպան](/timthumb.php?src=disc/09-07-24/dc3bb9972c55778ee63518dfdc1e71cc.jpg&w=780)
«ԵՄ երկրների ղեկավարները համաձայնել են դադարեցնել Վրաստանի՝ ԵՄ-ին անդամակցելու գործընթացը»,- լրագրողներին ասել է Վրաստանում ԵՄ դեսպան Պավել Գերչինսկին «Եվրամիության ընդլայնումը՝ աշխարհաքաղաքական անհրաժեշտություն եւ Եվրամիության թեկնածու երկրների հետագա քայլերը» երկօրյա միջազգային համաժողովում, գրում է SOVA-ն։
«Հունիսի 27-ին ԵՄ ղեկավարները, նախագահները եւ վարչապետերը հանդիպել են Բրյուսելում եւ ընդունել մի քանի կարեւոր որոշումներ, համաձայնեցրել ԵՄ ռազմավարական օրակարգը, հասել համաձայնության ԵՄ ապագա ղեկավարների մասին, հաստատել մեր հավատարմությունն Ուկրաինայի պաշտպանությանը եւ, ցավոք, եւ ես ցավում եմ ասել դա, նրանք նաեւ համաձայնեցրել են դադարեցնել Եվրամիությանը Վրաստանի անդամակցության գործընթացը։
Այս մասին շատ հստակ ասվում է Եվրոպական խորհրդի եզրակացության մեջ։ Կարդացեք այն շատ ուշադիր: Վրաստանի ներկայիս կառավարության մտադրությունները անհասկանալի են ԵՄ առաջնորդների համար: Օտարերկրյա ազդեցության թափանցիկության մասին օրենքը ակնհայտ հետընթաց է։
Նաև հակաարևմտյան, հակաեվրոպական հռետորաբանությունը լիովին անհամատեղելի է Եվրամիությանն անդամակցելու հռչակված նպատակին։ Ցավոք, ներկայումս Վրաստանի անդամակցությունը Եվրամիությանը կասեցված է։ Սա իսկապես տխուր է»,- ասել է դեսպանը:
![](banners/armflix.jpg)