Ինչ առողջական խնդիր ունի Բագրատ Սրբազանը

Օրեր առաջ տեղեկություն տարածվեց, որ «Տավուշը հանուն հայրենիքի» շարժման առաջնորդ Բագրատ սրբազանը առողջական խնդիրներ ունի, նրան տեղափոխել են «Իզմիրլյան բժշկական կենտրոն»: Ապա Սրբազան շարժումը ստիպված էր հայտարարություն տարածել. 

«Հաշվի առնելով մեր հայրենակիցների անհանգստությունը և լրատվամիջոցներով տարածված հակասական տեղեկությունները, հարկ ենք համարում տեղեկացնել, որ Սրբազան Պայքարի առաջնորդ Բագրատ արք. Գալստանյանը գտնվում է Իզմիրլյան բժշկական կենտրոնում՝ ընթացիկ ստուգումների նպատակով։ Սրբազան հայրը բժիշկների հսկողությամբ կազդուրվում է և առաջիկա հինգշաբթի կհանդիպի հայրենակիցների հետ Երևանի Ս. Աննա եկեղեցու բակում՝ ավանդական ձևաչափով»։

Եւ իսկապես` նա մի քանի օր բաց թողեց նախապես ծրագրված միջոցառումները, ապա կրկին հայտնվեց ասպարեզում: Սակայն չգիտես ինչու` շարժման անդամները որոշեցին գաղտնի պահել նրա վատառողջության իրական պատճառը: Մինչդեռ աշխարհում ընդունված է, որ հանրային գործիչների առողջական վիճակի մասին օպերատիվ եւ ճշգրիտ տեղեկատվություն հաղորդվի հանրությանը, ոչինչ չթաքցնելով:

Մենք տեղեկացանք, որ Բագրատ սրբազանի արյան մեջ շաքարի պարունակությունն էր կտրուկ բարձրացել եւ դա էր հոսպիտալացման բուն պատճառը: Այժմ խնդիրը կարգավորվել է` շաքարի քանակն իջեցվել է եւ նորմայի սահմաններում է: 

Մերձավորներից ոմանք կարծում են, որ պատճառը վերջին ամիսների ծանր, ամենօրյա աշխատանքն էր, սրբազանի օրգանիզմը չի դիմացել չափից դուրս մեծ ծանրաբեռնվածությանը եւ շաքարի մեծ տատանումը` օրգանիզմի բնական ռեակցիան է եղել դրան:
 

Այս թեմայով Մեկնարկվել է «Իմ հավատամքը. Բագրատ արքեպիսկոպոս Գալստանյան» ֆիլմի պրեմիերան (տեսանյութ) ՔՊ-ական պատգամավորը ժամկետից ուշ է հայտարարագիր ներկայացրել. ինչ ունեցվածք ունի Էդուարդ Աղաջանյանը. Armlur.am Ինչու է ID քարտ «հանելը» դարձել մեծ խնդիր. մանրամասներ Մեր նմանների վրա թքած ունի այս իշխանությունը. Մարտիրոսյան Հայաստանը երկիր է, որն ունի հնամյա ժառանգություն եւ ժամանակակից ձգտումներ` զորացնել երիտասարդությանը․ Տուլիա Էքսոն (տեսանյութ) Սեպտեմբերյան մարտերի ժամանակ Ադրբեջանը խնդիր էր դրել ՀՀ-ի նկատմամբ. Տիգրան Աբրահամյան Այս մեղադրական եզրակացությունն առնվազն 10 մահացու հիվանդություն ունի. Հրայր Թովմասյան (տեսանյութ) «Եվրաջաստն» ունի տեղեկատվական բազա գյուքերի վերաբերյալ, որոնք իրավունք ունենք հայցել և ստանալ. Աննա Վարդապետյան Բագրատ Սրբազանը հանդիպել է Ռոբերտ Քոչարյանի և Սերժ Սարգսյանի հետ Տոյվո Կլաարը նոր պաշտոն ունի