Դուբայում կբացվի աշխարհում առաջին Էկո-մզկիթը

Դուբայում ավարտվում է աշխարհում առաջին Էկոլոգիապես մաքուր մզկիթի շինարարությունը: Ինչպես տեղեկացնում է Gulf News թերթը, նախագիծն իրականացվել է արդեն 85 տոկոսով:

Նոր Էկո-մզկիթը մյուս աղոթարաններից տարբերվում է արտասովոր դիզայնով, ինչի շնորհիվ զգալիորեն նվազեցված կլինեն ԷլեկտրաԷներգիայի ծախսերը: Շենքում հարմարավետ ջերմաստիճան կպահպանվի արդի տեխնոլոգիաների հաշվին: Ինքնամթնող ապակիները կսահմանափակեն Արեգակի լույսի թափանցումը, իսկ հարդարման եզակի նյութերը կօգնեն հարկաբժիններում պահպանել զովությունը:

Տարածքում ենթադրվում է արեգակնային մարտկոցների տեղակայում, իսկ օգտագործվող ջուրը և նույնիսկ տեղումները ենթակա են մաքրման: Ինչ-որ ժամանակ անց վերամշակված ջուրը կրկին կօգտագործվի ոռոգման և այլ կարիքների համար:

Նախագծի հեղինակներից մեկը՝ Թայեբ ալ Ռայիսը, թերթին հայտնել է, որ Էկո-կառույցը ամենամեծը կլինի Դուբայում և կզբաղեցնի 10 հազար քառակուսի մետր տարածք, իսկ դրա ներքին չափերը կկազմեն 4,2 հազար քառակուսի մետր: Նախնական հաշվարկների համաձայն՝ մզկիթը կարող է տեղավորել շուրջ 3500 հավատացյալների:

Դուբայի իշխանությունները հուսով են, որ նոր մզկիթը միջազգային ճանաչում կստանա և կմտնի Արաբական Միացյալ Ամիրայությունների գլխավոր խորհրդանշանների շարքը: