Յանուկովիչը Դոնի Ռոստովում հայտարարությամբ հանդես կգա Երևանի ժամանակով ժամը 13:00-ին

Ուկրաինայի նախագահ Վիկտոր Յանուկովիչը հայտարարությամբ հանդես կգա մարտի 11-ին` Երևանի ժամանակով ժամը 13:00-ին Դոնի Ռոստովի «Վերտոլէքսպո» ցուցահանդեսային կենտրոնի «Ամետիստ» դահլիճում: Այդ մասին հայտնել է Ուկրանիայի պետության ղեկավարի շրջապատի մի աղբյուր:

«Զանգվածային լրատվամիջոցների ներկայացուցիչներին դահլիճ կթողնեն սոսկ նրանց կողմից խմբագրական վկայականների ներկայացմամբ, ինչպես նաև անվտանգության համապատասխան ստուգում անցնելուց հետո: Միջոցառման կազմակերպիչը Յանուկովիչի շրջապատն է»,-ասել է աղբյուրը: