Աշխարհի 8 ամենակեղտոտ քաղաքները, որտեղ չի կարելի ապրել (ֆոտո)
Աշխարհ
Մեր մոլորակի էկոլոգիական վիճակը կտրուկ վատանում է ծանր և քիմիական արդյունաբերության զարգացման հետ միասին: Իսկ որոշ քաղաքներում, որտեղ մարդիկ դեռ ապրում են, լիարժեք կյանքի համար բացարձակապես պիտանի չեն, սակայն այդ քաղաքների բնակիչները ուրիշ քաղաքներում ապրելու հնարավորություն չունեն:
Նորիլսկ, Ռուսաստան
1. Լեռնահանքային արդյունաբերության արտանետումների ծավալը դեպի մթնոլորտ կազմում է միլիոնավոր տոննաներ: Այս քաղաքը շատ վտանգավոր է և բացարձակապես համատեղելի չէ բնակիչների առողջ ապրելակերպի համար. ցավոք այստեղ բնակվում են հարյուր-հազարավոր մարդիկ:
Լա-օրոիա Պերու
2. Այս տարածաշրջանում լեռնային պղնձի, կապարի և ցինկի արտահանումը պատճառ է դառնում տարբեր հիվանդությունների առաջացման, որոնցից են արյան մեջ կապարի բարձր պարունակությունը, կենտրոնական նյարդային համակարգի խանգարումը, դիմադրողականության թուլացումը և քաղցկեղային հիվանդությունները:
Սումգայիթ, Ադրբեջան
3. Սումգայիթը քիմիական արդյունաբերության կենտրոն է ԽՍՀՄ-ում: Մթնոլորտը, հողը և ջուրը վարակված են ծանր մետաղներով ու նավթային աղտոտվածությամբ: Այսօրվա դրությամբ այստեղ ապրում է ավելի քան 275 հազար մարդ: Երեխաներն այստեղ ծնվում են այնպիսի գենետիկ շեղումներով, ինչպիսիք են մտավոր հետամնացությունը և ոսկորների հիվանդությունը:
Հաինա, Դոմինիկյան Հանրապետություն
4. Մեքենաների մարտկոցների արտադրության համաշխարհային առաջատար համարվող քաղաքը, նույնպես բազմաթիվ հիվանդությունների պատճառ է: Այն առաջացնում է բնածին արատներ, աչքերի խնդիրներ, հոգեկան հիվանդություններ:
Կաբվե, Զամբիա
5. 20-րդ դարի սկզբին Կաբվեում հայտնաբերվեցին կապարի և կադմիումի մեծ պաշարներ: Ստեղծվեցին խոշոր ձեռնարկություններ այս մետաղների վերամշակման համար: Իսկ այսօր օդի աղտոտվածության մակարդակը ծանր մետաղներով 4 անգամ գերազանցում է թույլատրելի սահմանը: Զամբիայի արտադրական կենտրոնում, որտեղ իրականացվում է հանքարդյունաբերություն, տարածված են մկանների ատրոֆիա, երիկամների հիվանդություն, արյան հիվանդություն:
Վապի, Հնդկաստան
6. Հազարավոր գործարաններ մթնոլորտն աղտոտում են ծանր մետաղներով և այլ նյութերով: Քաղաքը նման է աղբանոցի, իսկ հիվանդություններից տարածված են բնածին արատները, հազարավոր բնակիչների քրոնիկ հիվանդությունները: Սնդիկի քանակությունը Վապիի ջրերում մոտ 100 անգամ գերազանցում է նորման, իսկ օդը լցված է ծանր մետաղներով: Տարատեսակ քրոնիկ հիվանդություններով տառապող մարդկանց թիվն այս տարի գերազանցում է 70 հազարը:
Լինֆին, Չինաստան
7. Քարածխի արդյունաբերությունը մթնոլորտ է բաց թողնում բազմաթիվ վնասակար նյութեր, որոնք աղտոտում են ոչ միայն օդը, այլև հողը: Ծծմբի երկօքսիդի և այլ վնասակար մասնիկների մակարդակը շատ անգամ գերազանցում է նորման: Քաղաքում ապրում է ավելի քան 200 հազար վարակված բնակիչ. ամենատարածված հիվանդություններն են թոքաբորբը, թոքերի քաղցկեղը:
Դերժինսկ, Ռուսաստան
8. Ռուսական ամենաաղտոտված քաղաքն է: Նրա տարածքում թաղված են հազարավոր տոննա քիմիական թափոններ, որոնք աղտոտում են օդը, ջուրը և հողը: Այստեղ կյանքի միջին տևողությունը 45 տարի է: 1930-1998 թվականներից Դերժինսկում թաղվել է ավելի քան 200 հազար տոննա քիմիական թափոն՝ ներառյալ ամենավտանգավորները՝ նեյտրոտոքսիններ:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
