ԽՍՀՄ-ի վերականգնումն ամենամեծ սպառնալիքն է արդի աշխարհի համար. Յացենյուկ
Աշխարհ
Արդի աշխարհի համար ամենավտանգավոր սցենարը կարող Է դառնալ Խորհրդային Միության վերականգնումը: Այս մասին հայտարարել է Ուկրաինայի վարչապետ Արսենի Յացենյուկը՝ ելույթ ունենալով Ատլանտյան խորհրդում:
«Մի քանի տարի առաջ Պուտինն ասել է, որ անցյալ հարյուրամյակի ամենամեծ աղետը Խորհրդային Միության տրոհումն էր: Ես կնշեի, որ այս հարյուրամյակի ամենամեծ աղետը կլիներ Խորհրդային Միության վերականգնումը»,- ասել է Յացենյուկը:
Վարչապետը համոզմունք է հայտնել, որ «այս կամ այն ձևով Ղրիմին տիրանալու» ՌԴ-ի նախագահի պլաններն սպառնալիք են ներկայացնում Ուկրանիայի համար: Սակայն, նրա կարծիքով՝ իրավիճակը կարող է ավելի հեռուն գնալ: «Դա կախված կլինի Պուտինի անձնական նպատակներից»,- նշել է Յացենյուկը:
Այս առնչությամբ նա շնորհակալություն է հայտնել ԱՄՆ-ին և Եվրամիությանը Ուկրաինային օժանդակելու և օգնելու համար: «Մենք ստացել ենք շատ հստակ հայտարարություն, որ ԱՄՆ-ն և ԵՄ-ն հնարավոր ամեն ինչ կանեն, որպեսզի աջակցեն Ուկրաինայի ժողովրդին և պահպանեն Ուկրաինան: Հիանալի Է, որ Եվրամիությունը և Միացյալ Նահանգները խոսում են միաձայն»,- նշել է Ուկրաինայի կառավարության ղեկավարը:
ՈՒՂԻՂ ԵԹԵՐ
Ամենադիտված 
Երկու օր ջուր չի լինելու
