Ղրիմում մարտի 17-ը հանգստյան օր են հայտարարել

Մարտի 17-ը հանգստյան օր է հայտարարվել Ղրիմում: Այս մասին հայտնում է «Ղրիմինֆորմ» գործակալությանը:

«Ղրիմի Գերագույն խորհրդի նախագահությունը երկուշաբթի օրը՝ մարտի 17-ը, հայտարարել է հանգստյան օր: Իր որոշումը նախագահությունն ընդունել է մարտի 14-ի նիստում»,-ասված է գործակալության կայքում զետեղված հաղորդագրության մեջ:

Մարտի 16-ին Ղրիմում համահանրապետական հանրաքվե կկայանա Ղրիմի Ինքնավար Հանրապետության կարգավիճակի կատարելագործման շուրջ:

Հանրաքվեի անցկացման հանձնաժողովը նախատեսում է դրա արդյունքներն ամփոփել արդեն մարտի 17-ին: